मित्रांनो महाराष्ट्रातील आदिवासी भागातील विद्यार्थ्यांना उज्ज्वल भविष्याची नवी दिशा देण्यासाठी शासकीय आश्रम शाळांनी 2025 साली मोठी आणि ऐतिहासिक शिक्षक भरती जाहीर केली आहेm राज्यभरातील 661 कंत्राटी शिक्षक पदांसाठी सुरू झालेली ही संधी फक्त नोकरी नाही तर आदिवासी मुलांच्या आयुष्याला नवी उंची देण्याची एक जबाबदारी आणि अभिमानाची गोष्ट आहे. कला, क्रीडा आणि संगणक तंत्रज्ञान या तीन वेगळ्या पण अत्यंत महत्वाच्या क्षेत्रांमध्ये शिक्षकांची निवड होणार असल्याने, विद्यार्थ्यांच्या सर्वांगीण विकासासाठी ही भरती एक मोठा टप्पा मानली जाते.
ग्रामीण आणि आदिवासी भागात काम करण्याची इच्छा, शिक्षणाची आवड आणि समाजासाठी काहीतरी करण्याची प्रेरणा असेल तर ही भरती तुमच्यासाठीच आहे.
या भरतीमध्ये कला शिक्षक, क्रीडा शिक्षक आणि संगणक शिक्षक अशी तीन महत्त्वाची पदे भरली जाणार आहेत. कला शिक्षकांसाठी ATD, MA/BFA तसेच नृत्य, गायन, संगीत विषयातील पदवी आवश्यक आहे. क्रीडा शिक्षकांसाठी B.P.Ed, M.P.Ed, NIS किंवा क्रीडा क्षेत्रातील प्रतिनिधित्व असलेले उमेदवार प्राधान्याने निवडले जातील. संगणक शिक्षकांसाठी B.Sc(CS/IT), BCA, BE/B.Tech Computer अशा तांत्रिक पदव्या आवश्यक आहेत. तसेच MCA/M.Sc IT/CS असलेल्या उच्चशिक्षित उमेदवारांना विशेष प्राधान्य दिले जाईल.
या भरतीसाठी अर्ज प्रक्रिया पूर्णपणे ई-मेलद्वारे करण्यात येणार आहे.
उमेदवारांनी आपला अर्ज PDF स्वरूपात तयार करून त्यामध्ये पदाचे नाव, इच्छित जिल्हा/तालुका, शैक्षणिक पात्रता, अनुभव, आणि आवश्यक कागदपत्रांच्या प्रती समाविष्ट करून अर्ज पाठवावा.
पात्र उमेदवारांनी अर्ज [email protected] या ई-मेल आयडीवरच पाठवणे आवश्यक आहे.
अधिक माहितीसाठी विभागाची अधिकृत वेबसाईट tribal.maharashtra.gov.in पहावी.
Disclaimer: वरील भरतीसंदर्भातील सर्व माहिती ही विविध सरकारी व अधिकृत संकेतस्थळांवरून मिळालेल्या जाहिरातींवर आधारित आहे. या भरतीबाबतची अधिकृत व अंतिम माहिती संबंधित शासकीय विभागाच्या अधिकृत संकेतस्थळावर किंवा अधिकृत जाहिरातीत पाहावी.
formwalaa.in वेबसाइट भरती प्रक्रियेबाबत कोणतीही जबाबदारी घेत नाहीत. उमेदवारांनी अर्ज करण्यापूर्वी अधिकृत माहिती काळजीपूर्वक वाचावी.
