कल्याण-डोंबिवली महानगरपालिकेच्या (KDMC) नोकरभरती परीक्षेवर वाहतूक कोंडीचे सावट आले. मुंबईतील पवई येथे परीक्षा केंद्र ठेवण्यात आले होते. मात्र, वेळेवर पोहोचता न आल्याने तब्बल 150 हून अधिक उमेदवारांची परीक्षा हुकली. फक्त काही मिनिटांच्या उशिरामुळे केंद्रावर प्रवेश नाकारला गेल्याने विद्यार्थी नाराज झाले आणि त्यांनी थेट केडीएमसीच्या मुख्यालयात जाऊन पुन्हा परीक्षा घेण्याची मागणी केली.
उमेदवारांची वेदना
परीक्षेतून वंचित राहिलेल्या विद्यार्थ्यांचा रोष स्पष्ट दिसून आला. कल्याणची पूजा चौधरी सांगतात, “मी वेळेत निघाले होते, पण ट्रॅफिकमुळे फक्त पाच मिनिटे उशीर झाला, तरी मला आत सोडले नाही.” मयूर राठोडचीही हाच अनुभव होता, “मी फक्त एका मिनिटाने उशिरा पोहोचलो, पण तरीसुद्धा आत प्रवेश दिला नाही. हे आमच्या भविष्यासोबत अन्याय आहे.” तर दिव्या सपकाळ यांनी परीक्षा केंद्र पवईत ठेवल्याबद्दल नाराजी व्यक्त करताना म्हटले की, “कल्याण-डोंबिवली परिसरात परीक्षा झाली असती तर एवढ्या विद्यार्थ्यांची परीक्षा हुकली नसती.”
भरती प्रक्रिया आणि वाहतूक अडथळा
या भरती प्रक्रियेद्वारे केडीएमसीमध्ये एकूण 490 रिक्त पदे भरणार आहेत. यासाठी कल्याण, डोंबिवली, बदलापूर, टिटवाळा, कर्जत, उल्हासनगर आणि खोपोलीसारख्या ठिकाणांहून उमेदवार आले होते. मात्र, पवईसारख्या गजबजलेल्या भागात परीक्षा केंद्र ठेवल्याने वाहतूक कोंडीचा मोठा फटका बसला आणि शेकडो विद्यार्थ्यांचे प्रयत्न वाया गेले.
प्रशासनाकडे सर्वांची नजर
परीक्षा हुकलेल्या उमेदवारांनी पुन्हा परीक्षा घेण्याची ठाम मागणी केली आहे. या मागणीवर केडीएमसी प्रशासन काय निर्णय घेते, याकडे सर्वांचे लक्ष लागले आहे. अद्याप अधिकृत प्रतिक्रिया न मिळाल्याने विद्यार्थ्यांचे भविष्य अधांतरी आहे.
| माहिती | लिंक |
|---|---|
| Telegram वर मोफत Job Alert मिळवण्यासाठी | येथे क्लिक करा |
| सरकारी नोकरी माहिती WhatsApp वर मोफत मिळवण्यासाठी | येथे क्लिक करा |
| आपले वय मोजण्यासाठी | Age Calculator |
| जाहिरात WhatsApp वर मिळवण्यासाठी | Official WhatsApp Channel |
| सध्या चालू असलेल्या भरती पाहण्यासाठी | वर्तमान भरती (येथे क्लिक करा) |
| सर्व परीक्षांच्या सराव प्रश्नपत्रिका | येथे क्लिक करा |
सरकारी भरती, सरकारी योजना, आणि शिक्षण क्षेत्रातील महत्त्वाच्या अपडेट्ससाठी दररोज FORM WALA या वेबसाइटला भेट द्या, तुमच्या करिअरचा योग्य मार्ग इथेच सापडेल!…..
