मित्रांनो देशसेवेसाठी झटणाऱ्या युवक-युवतींसाठी महाराष्ट्र शासनाने एक अभूतपूर्व संधी उपलब्ध करून दिली आहे. सैनिक कल्याण विभागाच्या वतीने भारतीय सैन्यदल, नौदल आणि वायुदलात अधिकारी बनू इच्छिणाऱ्या उमेदवारांसाठी मोफत SSB प्रशिक्षण कोर्स (SSB-63) आयोजित करण्यात आला आहे. या कोर्सद्वारे उमेदवारांना SSB मुलाखतीत यशस्वी होण्यासाठी आवश्यक सर्व प्रशिक्षण आणि मार्गदर्शन दिलं जाणार आहे.
हे प्रशिक्षण छात्रपूर्व प्रशिक्षण केंद्र, नाशिक येथे ३ नोव्हेंबर ते १२ नोव्हेंबर २०२५ दरम्यान आयोजित केलं जाणार आहे. प्रशिक्षणार्थींना मोफत निवास, भोजन आणि प्रशिक्षणाची सुविधा दिली जाणार आहे. त्यामुळे आर्थिकदृष्ट्या दुर्बल असणाऱ्या पण देशसेवेची जिद्द असणाऱ्या उमेदवारांसाठी ही एक सुवर्णसंधी आहे.
मुंबई शहरातील इच्छुक उमेदवारांनी २० ऑक्टोबर २०२५ रोजी जिल्हा सैनिक कल्याण कार्यालय, मुंबई शहर येथे मुलाखतीस हजर राहावे. उमेदवारांनी सैनिक कल्याण विभागाच्या अधिकृत वेबसाईटवरून SSB-63 कोर्ससाठी प्रवेशपत्र व आवश्यक कागदपत्रे डाउनलोड करून ती पूर्ण भरून सोबत आणणे आवश्यक आहे.
पात्रतेसाठी उमेदवाराने UPSC CDSE किंवा NDA परीक्षा उत्तीर्ण असावी आणि SSB मुलाखतीस पात्रता प्राप्त केलेली असावी, किंवा NCC ‘C’ प्रमाणपत्रधारक (A/B ग्रेड) असावा. तसेच Technical Graduate Course (TGC) किंवा University Entry Scheme (UES) साठी SSB कॉल लेटर असणं आवश्यक आहे.
या प्रशिक्षणाद्वारे उमेदवारांना Psychology Test, Group Task, Interview Technique, Communication Skills इत्यादींचं प्रत्यक्ष मार्गदर्शन मिळेल. या कार्यक्रमाद्वारे महाराष्ट्रातील तरुणांना देशसेवेच्या दिशेने पहिले पाऊल टाकण्याची संधी मिळणार आहे.
| माहिती | लिंक |
|---|---|
| Telegram वर मोफत Job Alert मिळवण्यासाठी | येथे क्लिक करा |
| सरकारी नोकरी माहिती WhatsApp वर मोफत मिळवण्यासाठी | येथे क्लिक करा |
| आपले वय मोजण्यासाठी | Age Calculator |
| जाहिरात WhatsApp वर मिळवण्यासाठी | Official WhatsApp Channel |
| सध्या चालू असलेल्या भरती पाहण्यासाठी | वर्तमान भरती (येथे क्लिक करा) |
सरकारी भरती, सरकारी योजना, आणि शिक्षण क्षेत्रातील महत्त्वाच्या अपडेट्ससाठी दररोज FORM WALA या वेबसाइटला भेट द्या, तुमच्या करिअरचा योग्य मार्ग इथेच सापडेल…..
