Maharashtra Students to Study in Japan for Free – 1000 विद्यार्थ्यांना मिळणार मोफत Higher Education

मित्रांनो महाराष्ट्र सरकारने राज्यातील तंत्रशिक्षण घेणाऱ्या विद्यार्थ्यांसाठी एक अभूतपूर्व योजना जाहीर केली आहे, ज्यामुळे आता विद्यार्थ्यांना जपानमध्ये मोफत शिक्षण घेण्याची संधी उपलब्ध होणार आहे. उच्च व तंत्रशिक्षण मंत्री चंद्रकांत पाटील यांनी दिलेल्या माहितीनुसार, जपान सरकारसोबत विशेष करार करून या योजनेअंतर्गत तंत्रनिकेतन आणि अभियांत्रिकी शाखेतील विद्यार्थ्यांना ३ ते ४ वर्षांचे शिक्षण जपानमध्ये मोफत मिळणार आहे.

या योजनेअंतर्गत विद्यार्थ्यांना शिक्षणाबरोबरच पासपोर्ट, व्हिसा, तिकिट, राहण्याची व भोजनाची संपूर्ण सोय सरकारकडून केली जाणार आहे. जानेवारी २०२६ मध्ये यासाठी CET परीक्षा घेतली जाणार असून, जूनपर्यंत १,००० विद्यार्थ्यांची निवड केली जाईल. निवड झालेल्या विद्यार्थ्यांना जपानमधील प्रतिष्ठित शैक्षणिक संस्थांमध्ये प्रवेश मिळेल.

हे वाचा

IIT Bombay Scholarships 2025: IIT मध्ये शिकण्याचं स्वप्न पूर्ण करा या दोन शिष्यवृत्तींसह!

जपानमध्ये सध्या तरुण लोकसंख्या घटल्याने त्यांच्या विद्यापीठांमध्ये विद्यार्थीसंख्या कमी झाली आहे. त्यामुळे जपान सरकारने भारतीय विद्यार्थ्यांना आकर्षित करण्यासाठी ही भागीदारी स्वीकारली आहे. या उपक्रमामुळे महाराष्ट्रातील विद्यार्थ्यांना जागतिक दर्जाचे शिक्षण, संशोधनाची संधी आणि रोजगाराचे दालन खुले होणार आहे.

चंद्रकांत पाटील यांनी सांगितले की, यापूर्वी जर्मनीसोबत अशाच स्वरूपाचा करार करण्यात आला होता. तसेच मराठा समाजातील ७५ विद्यार्थ्यांना दीड कोटी रुपयांची शिष्यवृत्ती देऊन परदेशात शिक्षणासाठी मदत करण्यात आली. सरकारकडून ओबीसी, एसटी, एनटी आणि अल्पसंख्यांक विद्यार्थ्यांसाठीही अशा विविध योजना राबवल्या जात आहेत.

या उपक्रमाचा मुख्य उद्देश म्हणजे महाराष्ट्रातील तरुणांना आंतरराष्ट्रीय शिक्षण आणि संशोधनाच्या पातळीवर नेणे, तसेच त्यांना कौशल्याधारित रोजगारासाठी सक्षम बनवणे. सरकारकडून घेतलेला हा उपक्रम राज्यातील शिक्षण क्षेत्रासाठी एक मोठा मैलाचा दगड ठरणार आहे.

सरकारी भरती, सरकारी योजना, आणि शिक्षण क्षेत्रातील महत्त्वाच्या अपडेट्ससाठी दररोज FORM WALA या वेबसाइटला भेट द्या, तुमच्या करिअरचा योग्य मार्ग इथेच सापडेल…..