मित्रांनो MPSC राज्यसेवा मुख्य परीक्षा 2024 च्या निकालावर आता आरक्षण धोरणातील तांत्रिक अडचणींचा ‘ब्रेक’ बसण्याची चिन्हे दिसत आहेत. महाराष्ट्र लोकसेवा आयोगाने नुकतीच तात्पुरती गुणवत्तायादी जाहीर केली. मात्र या यादीतून एका गंभीर वादाला तोंड फुटले आहे. तांत्रिक त्रुटींमुळे तब्बल 107 उमेदवारांना मुलाखतीस पात्र असूनही शेवटच्या क्षणी वगळण्यात आले, असे आरोप उमेदवारांकडून होत आहेत. परिणामी, अंतिम निकाल लांबणीवर जाण्याची शक्यता जोर धरत आहे.
ही संपूर्ण विवादाची सुरुवात झाली ‘SEBC’ आणि ‘EWS’ आरक्षण प्रवर्गातील विसंगतीमुळे. काही उमेदवार पूर्वी SEBC प्रवर्गात होते, मात्र त्यांनी EWS प्रवर्गातून अर्ज केला होता. मुलाखतीसाठी पात्र ठरले तरी, मुलाखतीच्या वेळेस त्यांना तांत्रिक विसंगती दाखवत प्रक्रियेतून बाहेर काढले गेले. उमेदवारांकडून आयोगाची चूक नसल्याचे ‘डिक्लरेशन’ घेतल्याचा आरोप होत आहे. या पद्धतीने उमेदवारांना बाद केल्याने आयोगावर पारदर्शकतेच्या दृष्टीने प्रश्नचिन्ह उभे राहिले आहे.
एकूण 1516 उमेदवारांना मुलाखतीस पात्रता मिळाली होती, परंतु आयोगाने प्रसिद्ध केलेल्या तात्पुरत्या यादीत फक्त 1409 उमेदवारांचा समावेश आहे. उर्वरित 107 उमेदवारांनी आता न्यायालयीन लढ्यासाठी तयारी केली आहे. यापूर्वी MAT मध्ये आयोगाच्या बाजूने निकाल लागला असला तरी, उमेदवार पुन्हा न्यायालयात जाणार आहेत. त्यामुळे अंतिम गुणवत्तायादी जाहीर होण्यास विलंब होण्याची शक्यता प्रबळ आहे.
याचवेळी सोशल मीडियावर दोन उमेदवारांविरोधात आरोप करण्यात आले आहेत की ते मूळ EWS नसूनही EWS प्रवर्गातून पात्र झाले आहेत. या प्रकरणाचे पुरावे जाहीर करण्याची धमकी देण्यात आली आहे. या सर्व घडामोडीमुळे स्पर्धा परीक्षार्थी आणि निवड प्रक्रियेत पारदर्शकता चाहणाऱ्यांमध्ये संभ्रमाचे वातावरण निर्माण झाले आहे.
एकंदरीत, MPSC च्या या वादामुळे हजारो विद्यार्थ्यांचे भविष्य तात्पुरते अनिश्चिततेत ठेवले गेले आहे आणि आरक्षण धोरणाच्या अंमलबजावणीवर नवी चर्चा पुन्हा पेटली आहे.
| माहिती | लिंक |
|---|---|
| Telegram वर मोफत Job Alert मिळवण्यासाठी | येथे क्लिक करा |
| सरकारी नोकरी माहिती WhatsApp वर मोफत मिळवण्यासाठी | येथे क्लिक करा |
| आपले वय मोजण्यासाठी | Age Calculator |
| जाहिरात WhatsApp वर मिळवण्यासाठी | Official WhatsApp Channel |
| सध्या चालू असलेल्या भरती पाहण्यासाठी | वर्तमान भरती (येथे क्लिक करा) |
सरकारी भरती, सरकारी योजना, आणि शिक्षण क्षेत्रातील महत्त्वाच्या अपडेट्ससाठी दररोज FORM WALA या वेबसाइटला भेट द्या, तुमच्या करिअरचा योग्य मार्ग इथेच सापडेल…..
