शिक्षण क्षेत्रात मोठा बदल! सर्वोच्च न्यायालयाने सर्व शिक्षकांसाठी ‘टीचर्स एलिजिबिलिटी टेस्ट (TET)’ बंधनकारक करण्याचा ऐतिहासिक निर्णय दिला आहे. आता ज्या शिक्षकांचे वय ५२ वर्षांपेक्षा कमी आहे, त्यांना शिक्षक म्हणून काम करण्यासाठी टीईटी परीक्षा उत्तीर्ण करणे अनिवार्य आहे. हा निर्णय राज्यातील लाखो शिक्षकांसाठी गेम-चेंजर ठरणार आहे.
फेब्रुवारी २०१३ पासून टीईटी परीक्षा नवीन शिक्षक भरतीसाठी अनिवार्य होती, परंतु याआधीच्या शिक्षकांसाठी टीईटी अनिवार्य नव्हते. सर्वोच्च न्यायालयाने एका प्रकरणात निकाल देताना सर्व शिक्षकांसाठी ही परीक्षा बंधनकारक असल्याचे स्पष्ट केले आहे. काही राज्यांनी या निकालावर पुनर्विचार याचिका दाखल करण्याची तयारी दर्शविली आहे, जसे की उत्तर प्रदेश; मात्र महाराष्ट्र सरकारने अद्याप आपली भूमिका स्पष्ट केलेली नाही.
महाराष्ट्रातील ९५ हजार शाळांमध्ये काम करणाऱ्या दीड ते पावणेदोन लाख शिक्षकांना आता टीईटी परीक्षा देणे अनिवार्य झाले आहे. या परीक्षेसाठी दोन वर्षांची संधी दिली आहे. जर शिक्षकांनी मुदतीत टीईटी उत्तीर्ण केले नाही, तर न्यायालयाच्या निकालानुसार त्यांना सक्तीच्या सेवानिवृत्तीची कारवाई होऊ शकते. त्यामुळे राज्यभरातील शिक्षक आतापासूनच तयारीला लागले आहेत.
टीईटी परीक्षा २३ नोव्हेंबर २०२५ रोजी होणार आहे. अर्ज प्रक्रिया १५ सप्टेंबरपासून सुरू होईल आणि ३ ऑक्टोबरपर्यंत चालेल. प्रवेशपत्र १० ते २३ नोव्हेंबर दरम्यान डाउनलोड करता येईल. पेपर १ सकाळी १०:३० ते दुपारी १:०० आणि पेपर २ दुपारी २:३० ते सायंकाळी ५:०० या वेळेत घेण्यात येईल. राज्यातील सर्व व्यवस्थापनाच्या शाळा, परीक्षा मंडळे, अनुदानित आणि विनाअनुदानित शाळांमध्ये पहिली ते आठवी वर्गासाठी शिक्षक किंवा शिक्षणसेवक पदावर नियुक्तीसाठी टीईटी परीक्षा उत्तीर्ण करणे अनिवार्य आहे.
या ऐतिहासिक निर्णयामुळे शिक्षकांना आपल्या पात्रतेला सिद्ध करण्याची सुवर्णसंधी मिळाली आहे. शिक्षकांनी लगेच तयारी सुरू करून टीईटी परीक्षा उत्तीर्ण करणे गरजेचे आहे. अधिक माहितीकरिता https://mahatet.in संकेतस्थळ पाहता येईल.
| माहिती | लिंक |
|---|---|
| Telegram वर मोफत Job Alert मिळवण्यासाठी | येथे क्लिक करा |
| सरकारी नोकरी माहिती WhatsApp वर मोफत मिळवण्यासाठी | येथे क्लिक करा |
| आपले वय मोजण्यासाठी | Age Calculator |
| जाहिरात WhatsApp वर मिळवण्यासाठी | Official WhatsApp Channel |
| सध्या चालू असलेल्या भरती पाहण्यासाठी | वर्तमान भरती (येथे क्लिक करा) |
| सर्व परीक्षांच्या सराव प्रश्नपत्रिका | येथे क्लिक करा |
सरकारी भरती, सरकारी योजना, आणि शिक्षण क्षेत्रातील महत्त्वाच्या अपडेट्ससाठी दररोज FORM WALA या वेबसाइटला भेट द्या, तुमच्या करिअरचा योग्य मार्ग इथेच सापडेल!…..
